【港女見到小新爸爸記住要狗衝】
小編我周不時都會遇到啲港女話好介意男朋友既人工，又話接受唔到男朋友份糧低過自己，又講咩「your face, your fate」。講到尾要做得佢地既男朋友、「配」得上佢地.....呢，最好就要有錢、有樣、有人魚線(但係佢地其實有冇照下塊鏡望下自己咩料子先？我諗冇)。
佢地身邊其實不乏做牛做馬既兵，不過三樣缺一樣都係睇唔上眼。有樣但冇錢？過主啦，同佢地出街閒閒地都幾千；有人魚線但冇樣？我諗佢地極其量會當你係sp既；有錢但冇樣？我睇到你個頭開始有綠化跡象...
好喇講太遠喇，我本意唔係想唱衰嗰啲港女既，其實係想介紹一個筍盤比佢地就真！
我諗大家都有睇過《蠟筆小新》架啦，呢個咸濕仔成日都合法地露J，唔多唔少都受佢老竇廣志影響。廣志佢除左臭腳同咸濕左少少之外，原來佢符合曬港女既條件！
首先佢身高有1米8，啲港女絕對有小鳥依人既感覺，唔使擔心著左高踭鞋就會高過男朋友呢個問題！仲要佢每個月既人工有成30萬日元，喺下屬眼中係一個勤力又優秀既上司。所以擁有上進心同有一定領導才能既廣志，事業上絕對唔失禮。最緊要係！佢有樓呀(唔計32年房貸)，聽到呢度係咪雙眼發曬光、出曬眼水呢。咁好條件既男人平時聽曬老婆美冴說話，放假就留喺屋企湊小朋友，名副其實既老婆奴，老公唔揀佢揀邊個呀？
Search